Tegucigalpa

Capital de Honduras e do departamento de Francisco Morazán (1.037.600 h [2000]). Situada no altiplano central, á beira do río Cholouteca, ten cultivos de café, tabaco, cereais e legumes e industrias alimentarias, algodoeiras e da confección. A antiga Tisingal indíxena experimentou un crecemento notable a finais do s XVI, a raíz da explotación dos seus xacementos de prata e, máis tarde, de ouro e mármore. Ata 1880 compartiu a capitalidade coa cidade de Comayagua.