Telmo de Tui, san

Relixioso. De nome Pedro González Telmo, foi ordenado sacerdote en Palencia e, na toma de posesión como deán, un abalo tirouno ao chan, feito que interpretou como un sinal divino que lle chamaba á humildade e renunciou ao cargo. Evanxelizou o norte de Portugal e Galicia e instalouse en Tui. Foi capelán dos exércitos de Fernando III na conquista de Córdoba e Sevilla. Atribúeselle a organización dos gremios de pescadores en Galicia e a construción de diversas pontes. Represéntase vestido co hábito negro ou branco e cunha pequena nave, chama ou vela encendida como atributo persoal. A súa festividade celébrase o luns seguinte ao de Pascua.

Cronoloxía