Temporada en Mondariz, La

Semanario publicado en Mondariz a partir de xuño de 1888 que cesou en setembro de 1931. Subtitulado “Publicación semanal”, foi editado polo Balneario de Mondariz e distribuíase de balde entre os hóspedes do recinto. Publicábase só durante a tempada de verán, con dezasete números en total cada ano, cunha nova numeración para cada nova tempada. Ata 1925 editouse como un xornal, e logo pasou a ser revista. Incluía artigos sobre a saúde e a hidroterapia, ademais de numerosas colaboracións literarias.