¹ trocar

1. v t

   Cambiar unha cousa por outra.

   Ex: Trocou a saia por un vestido.

2. v t

   Intercambiar reciprocamente unha cousa.

   Ex: Trocamos as nosas opinións.

3. v t

   Tomar unha cousa para substituír outra.

   Ex: Troquei o silencio por barullo.

4. v t

   Cambiar unha cantidade de diñeiro polo seu equivalente en moedas ou billetes de inferior valor, ou por moedas doutros países.

   Ex: No banco non me trocaron os cartos.

5. v t

   Converter unha cousa noutra diferente. OBS: Adoita empregarse seguido da preposición en.

   Ex: Trocaba en diversión todo o que facía.

6. v t

   Confundir unha cousa con outra diferente.

   Ex: Sempre troca os nomes das rúas.

7. v pron

   Transformarse noutra cousa que se expresa. OBS: Emprégase seguido da preposición en.

   Ex: O medo trocouse en tranquilidade.

Frases feitas

• Trocar/trocarse o sentido. Non razoar ben.