Ulm

Cidade do land de Baden-Württemberg, Alemaña (116.103 h [2000]). Está situada na ribeira esquerda do Danubio. Ten industria téxtil, siderúrxica e de maquinaria. Foi cidade imperial libre no s XII, e unha das máis destacadas do ducado de Suabia. Decaeu posteriormente, sobre todo durante os ss XVII e XVIII. Adxudicada en 1802 a Baviera, en 1805 foi escena da vitoria de Napoleón I sobre os austríacos, e en 1810 pasou a Württemberg. Destaca a catedral, gótica (ss XIV-XIX), coa agulla máis alta de Europa (161 m).