Ulysses

Novela de James Joyce, editada en París en 1922. Comezou a publicarse nunha revista estadounidense, aínda que foi interrompida polo escándalo que provocou. Concibida como un percorrido a través de Dublín, paralelo á viaxe de Ulises na Odisea, presenta continuos cambios de estilo e, sobre todo, unha linguaxe hermética e simbólica, expresada a través do uso permanente do monólogo interior, e considerouse a obra máis significativa da narrativa europea do s XX. R. Otero Pedrayo publicou, traducidos ao galego, “Fragmentos de Ulises” en Nós (1926), a primeira tradución desta obra na Península.