vestir

1. v t

   Cubrir o corpo con roupa ou outra cousa.

   Ex: Vestiu a chaqueta porque tiña frío.

2. v t

   Levar posto un vestido determinado.

   Ex: Vestía un traxe italiano.

3. v t

   Poñer a alguén a roupa.

   Ex: A avoa viste o neno para ir á escola.

4. v t

   Procurar vestidos a alguén.

   Ex: Mantéñeno e vísteno.

5. v t

   Facer ou comprar os vestidos a alguén.

   Ex: Ese é o estilista que viste os xogadores de fútbol.

6. v t

   Revestir ou gornecer unha cousa cun material determinado para protexela ou adornala.

   Ex: Está vestindo a casa de pedra.

7. v i

   Dar unha peza de roupa a alguén o aspecto de vestir ben ou de andar elegante.

   Ex: A garavata viste moito.

8. v i

   Andar vestido cun estilo determinado.

   Ex: Viste de loito tras a morte do pai.

9. v pron

   Cubrirse con roupa ou outra cousa.

   Ex: Vístese el só desde os catro anos.

Frases feitas

• Quedar para vestir santos. Quedar solteiro.

• Vestir camisa lavada. Pagar as débedas.

Refráns

• A burra vella, albarda nova.
• Arremangueime e fixen coada; non hai mellor que andar remangada para te-la roupa decote lavada.
• Arroupame mellor, cando faga máis calor.
• Ben estás de roupa, se non che se molla.
• Canto ternos, ao lombo traemos.
• Máis preto está da carne a camisa có xustillo.
• Non déixe-Ia capa na casa por moita calor que faga.
• O que ten mal vestir, ata a roupa lle quere fuxir.
• Quen saiba arremangarse ten moito adiantado para gobernarse.
• Quen se viste de ruÍn pano, dúas veces se viste ao ano.
• Quen vexa as miñas mangas, non verá as miñas faldras.
• Se queres vivir san, a roupa do inverno tráea no verán.