vixintiviro

Cada unha das vinte persoas que formaban parte dun colexio na antiga Roma. Destacou o constituído por algúns dos colexios da maxistratura inferior, dos que saían os cargos políticos. Dentro do cursus honorum, o cargo constituía o primeiro grao. O vixintivirato estaba formado polos colexios tresviri capitales e os monetales (triunviro), os decemviri litibus iudicandis (decenviro) e os quattuorviri vis-urbe purgandis, que se encargaban de manter as rúas de Roma.