xenartro -tra
(< gr ξένος ‘estraño’ +άρϴρον ‘articulación’)
-
adx
Relativo ou pertencente aos xenartros.
-
s
m
[ANIMAL]
Mamífero da orde dos xenartros.
-
s
m pl
[ANIMAL]
Orde de mamíferos que se caracterizan por ter nas últimas vértebras dorsais e nas lumbares apófises laterais accesorias que orixinan articulacións especiais accesorias, denominadas articulacións xenartrais. A orde está integrada por especies actuais e fósiles, de aspecto moi heteroxéneo. Todas presentan unhas unllas grandes e robustas, aptas para escavar, pendurarse ou gabear, unha cavidade cranial pouco ampla e unha mandíbula en forma de V. Son de marcha plantígrada e teñen a dentadura reducida, como consecuencia da especialización do seu réxime alimentario. Considéraselles mamíferos arcaicos, restos dun grupo moi ben representado na fauna terciaria e cuaternaria de América. As súas especies actuais habitan en América do Sur e Central, e no S dos EE UU.