Festinger, Leon

Psicólogo social. Despois de doutorarse en psicoloxía na University of Iowa (1942), traballou no Massachusetts Institute of Technology. En 1968 trasladouse ao New School for Social Research. Foi coñecido polos seus traballos sobre a comunicación informal, a comparación social e, especialmente, a disonancia cognitiva. Cómpre destacar as súas publicacións A Theory of Cognitive Dissonance (1957), onde expón a súa teoría da disonancia cognitiva, que revolucionaría o campo da psicoloxía social e que tivo múltiples aplicacións en áreas como a motivación e a dinámica de grupos, e Conflit, Decision and Dissonance (1964).

Cronoloxía