Fidel

Antropónimo masculino que ten a súa orixe no latín Fidelis, cognome nun principio que máis tarde se converteu nun nome independente. Corresponde ao adxectivo fidelis, fidele ‘fiel’ e, xa na época cristiá, ‘que cre en Deus’, ou mellor ‘que cre no verdadeiro Deus’ (o contrario é infiel). Entre os santos que levan este nome, cómpre salientar un bispo de Emérita, que tivo culto xa no s VII, e un capuchino de Sigmaringa (1577-1622).