figa

1. s f [ETN]

   Amuleto en forma de man pechada, co polgar entre o índice e o dedo corazón, usado xa desde a Antigüidade como protección contra o mal de ollo, a envexa, as doenzas, etc porque representa un puño, medio de defensa dos humanos. A postura dos dedos simboliza, así mesmo, o acto sexual, é o macho vencendo a femia, de aí o seu carácter protector contra os males.

2. s f

   Aceno que se fai coa man pechada, co dedo polgar entre o índice e o corazón, como esconxuro, insulto ou mofa.

3. s f

   Parte externa do órgano xenital feminino.

Frases feitas

• Importar unha figa/un carallo. Non lle dar importancia ningunha a algo.