fluxión

(< lat fluxĭōne)

s f [PAT]
Primeiro estadio dunha inflamación, que se caracteriza por un aumento do volume da rexión inflamada e por unha grande achega de sangue.
[FÍS/MAT]
1. s f
  Termo que introduciu I. Newton para designar o concepto que posteriormente se denominou derivada dunha variable respecto ao tempo.
2. teoría das fluxións
  Teoría desenvolvida por I. Newton que constitúe o precedente máis inmediato da teoría de derivadas e que utilizou el mesmo para facer os cálculos astronómicos destinados a comprobar a validez das leis da mecánica que enunciara. Unha teoría análoga á das fluxións, pero cunha notación diferente, é a que se utiliza na análise matemática. OBS: A grafía <x> representa o son [ks].

Palabras veciñas