Fort Smith

Cidade do estado de Arkansas, EE UU (80.268 h [2000]), situada na beira dereita do río Arkansas. Posúe refinerías de petróleo e gas natural na conca petrolífera de Oklahoma-Arkansas, feito que a converte nun gran centro industrial. Fundada como posto militar en 1817, transformouse nun importante centro comercial coa febre do ouro. Do seu patrimonio cultural destaca Fort Smith National Historic Site.