mocidade

1. s f

   Condición, idade ou estado de mozo.

2. s f

   Parte da vida dunha persoa entre a infancia e a madurez.

   Ex: Eu pasei moita fame durante a miña mocidade.

3. s f

   Conxunto de xente moza.

   Ex: A mocidade de hoxe non é como a de antes.

Refráns

• A mocidade é a mellar idade.
• A mocidade folgada trae a vellez arrastrada.
• A mocidade moi folgada trae a vellez arrastrada.
• Mocidade ben pasada, vellez larga e descansada.
• Na mocidade e na roupa rachada todo engarra.
• Se a mocidade soubera e a vellez poidera ¡canto máis non se fixera!
• Se o mozo soubese e o vello puidese, non habería causa que non se fixese.
• Sírvete do mancebo e aconséllate ca vello.
• Xente nova e leña verde, todo se volve fume.
• ¡Gárdate, nena, do mozo cando lle apunta o bozo!