Moenia. Revista lucense de lingüística & literatura

Revista editada en Lugo a partir de 1995. Promovida pola área de Filoloxía Española do campus universitario de Lugo, estivo dirixida por Alexandre Veiga e Claudio Rodríguez Fer. Cada ano, e de xeito alternativo, publicou un monográfico con investigacións sobre o español e literatura española. Incluíu artigos, recensións, homenaxes e necrolóxicas. Contou entre os seus colaboradores con Manuel Seco, Alonso Montero, Teresa Moure, Hueso Montón, Darío Villanueva, Carmen Blanco e Pere Gimferrer. A revista tivo unha serie de anexos monográficos que, baixo o título Lucus Lingua, ofreceron traballos sobre lingüística de carácter científico.