Momento, El

Xornal publicado na Coruña entre o 16 de febreiro e o 13 de marzo de 1930 baixo os subtítulos “Diario independente” e “Diario de la noche”. De tendencia progresista e galeguista, incluíu información local da Coruña e Santiago de Compostela e artigos sobre educación e política, aínda que moitos dos seus contidos foron censurados. Contou con colaboracións humorísticas de Álvaro Cebreiro, con ilustracións de Cousas de Castelao e textos de V. Risco, A. Iglesia Alvariño, Villar Ponte ou Víctor Casas.