Monroy, Antonio de

Relixioso. Foi prior da orde dominicana en Nueva España e arcebispo de Santiago de Compostela desde 1685. Apoiou de forma constante a Carlos II e logo a Filipe V durante a Guerra de Sucesión Española (1702-1714). Converteuse nun destacado mecenas do Barroco compostelán, realizando importantes doazóns á catedral e a San Domingos de Bonaval. Das construcións feitas baixo o seu mecenado destacan a capela do Pilar da catedral, as obras do pórtico da Quintana, iniciadas en 1695, e a restauración de San Domingos de Bonaval. Fóra de Santiago de Compostela, sufragou a reconstrución das colexiatas de Iria Flavia e da Coruña, así como o palacio arcebispal de Pontevedra. En 1710 publicou Pastoral.

Cronoloxía