mordente

Ácido, lixivia ou calquera substancia corrosiva, que se emprega no tratamento dos metais para atacalos na superficie.

Substancia que conteñen algunhas tintas tipográficas para fixalas con máis ou menos intensidade.

Peza do divisorio que, a xeito de regra dobre, serve para prender o orixinal e marcar a liña que o caixista está compoñendo.

Substancia que, aplicada a unha fibra téxtil, serve para absorber o colorante. Ten a propiedade de formar, con certos colorantes que presentan pouca ou ningunha afinidade pola fibra, un complexo insoluble de cor, chamado laca, que queda fortemente fixado á fibra.

Adorno musical que consiste en alternar a nota escrita na partitura coa inmediata inferior ou superior no tempo que ocupa a nota escrita.