Yzquierdo Perrín, Ramón

Historiador da arte. Doutor en Historia da Arte e catedrático na Universidade da Coruña desde 1995, especializouse na arte románica e protogótica galega. Forma parte do Consello de Fábrica da catedral de Santiago de Compostela e participou na reconstrución do coro pétreo do mestre Mateo. Das súas obras destacan La arquitectura románica en Lugo (1983), El coro del maestro Mateo (1990), con R. Otero Túñez, El camino de Santiago del Norte en la provincia de Lugo. Ruta de la Costa (1994), Santiago de Compostela en la Edad Media (2002) e Los caminos a Compostela: el arte de la peregrinación (2003). É académico numerario da Real Academia Gallega de Bellas Artes de Nuestra Señora del Rosario, á que representa no Consello da Cultura Galega, e correspondente da Real Academia de Bellas Artes de San Fernando.

Cronoloxía