Xaime I de Inglaterra

Rei de Escocia (Xaime VI, 1568-1625) e de Inglaterra (1603-1625), fillo de María I. Deixou o goberno en mans de diferentes privados que non impediron as loitas entre as diversas faccións da nobreza. En 1585, coa axuda de Isabel I de Inglaterra, tivo un éxito relativo na loita contra as faccións e as prerrogativas dos baróns escoceses. Vacilante na polémica entre católicos e protestantes e temeroso de perder a axuda de Isabel I e a oportunidade de reinar en Inglaterra ao morrer esta, non fixo nada por salvar a vida da súa nai, que foi executada en 1587. Convertido en rei de Inglaterra, a súa convicción da orixe divina da autoridade real desamigouno tanto con católicos como con protestantes. En política exterior aproximouse ás potencias católicas, como Castela. Estableceu a Union Jack.

Cronoloxía