Xenxo de Roma, san

Actor de teatro. Foi martirizado por confesarse publicamente cristián cando representaba diante de Diocleciano unha peza en que se ridiculizaba o cristianismo. Os estudos haxiográficos indican que é un desdobramento de san Xenxo de Arles. Iconograficamente representouse cunha máscara teatral, un violín e varios instrumentos de tortura. A súa festividade celébrase o 25 de agosto.