Baella Pérez, Jaime

Anarcosindicalista de orixe levantina, que recalou na Coruña logo de ser perseguido pola súa participación na frustrada Revolución de Outubro de 1934. Camareiro de oficio, xogou un papel destacado na reconstrución da organización galaica da CNT, moi danada logo destes sucesos. Formou parte do comité da CRG durante o ano 1935 e, ata o comezo da Guerra Civil, dirixiu o semanario Solidaridad; nel deixou constancia do seu talante revolucionario e das súas posicións contrarias ás alianzas obreiras. Faleceu como consecuencia dos enfrontamentos habidos na Coruña nos primeiros días da Guerra Civil española.

Cronoloxía