bagatela

Cousa de pouca importancia, pouco valor ou pouca utilidade.

Pequena composición, xeralmente para piano, sen rigor de forma. As bagatelas máis coñecidas son as de Beethoven. Unha forma de bagatela son as Noveletten, inaugurada polos románticos (Schumann), e conservada polos modernos (Bartók, Poulenc).

Divertimento de salón que se executa sobre unha táboa como a do billar, cun dos costados en forma semicircular, na que hai oito furados numerados e un no centro. Cada un dos xogadores participantes dispón dun taco curto e de catro bólas (brancas ou vermellas), que debe introducir nos furados.