bailar

1. v t

   Executar un determinado baile.

   Ex: Bailaban muiñeiras, todos os días.

   Sinónimos: danzar.
2. v t

   Xirar ou facer xirar un bailarete ou unha buxaina.

   Ex: Aínda non sabes bailar unha buxaina?

3. v i

   Executar, só ou en compañía de alguén, unha sucesión regulada de pasos, de saltos, de actitudes, que polo xeral se realizan de acordo cun ritmo de canción ou de composición instrumental que soa ao mesmo tempo.

   Ex: Gústame ver o ben que bailan.

   Sinónimos: danzar.
4. v i

   Non estar segura unha cousa sobre a súa base, non estar ben fixada, estar folgada.

   Ex: Calza a mesa para que non baile. A asa da pota baila cando ferve a auga.

5. v i

   Moverse algo dentro dun buraco debido a que non está asegurado.

   Ex: Se meto o teu bolso no maleteiro vai ir bailando todo o camiño.

6. v i

   Non parar quieto ou moverse constantemente.

   Ex: A ver se deixas de bailar cando falas, que me pos nerviosa.

   Sinónimos: buligar, danzar.

Frases feitas

• A ver como baila Miguel. Veremos como se van sucedendo as cousas.

• Bailar como o millo. Ter frío ou ter medo.

• Bailar como unha buxaina. Ter xeito para bailar.

• Bailar na punta dunha agulla. Bailar ben. Bailar sen son. Falar de cousas que non teñen importancia.

• Con estes catro/gato bailares. Nestas circunstancias.

• Falar como quen baila sen son. Falar sen xuízo nin tento. Outro que tal baila/ben baila. Outro que se comporta do mesmo xeito. Ser dos que ben bailan. Ser entremetido ou despreocupado; ser malo.

• Vouche bailar no bandullo! Ameaza dirixida normalmente aos nenos para advertirlos de que se lles vai zoupar."