Kollwitz, Käthe

(Kaliningrad 1867 - Moritzburg, Dresden 1945) Gravadora e escultora alemana. Formouse en Berlín (1884-1885) e Múnic (1888-1889). Influenciada por M. Klinger e E. Munch, inspirouse en temas de carácter social e humano. Da súa produción destacan as series Der Weberaufstand (Os tecedores, 1894-1898) e Bauernkrieg (Guerra de labregos, 1903-1908), unha escultura dedicada aos mortos en Dixmuiden (Flandres) durante a guerra, e unha serie de litografías sobre a morte (1934-1936). Foi perseguida polos nazis.