¹ cando

1. adv

   1. Forma que se utiliza con valor interrogativo tanto en oracións interrogativas directas (

      Ex: Cando rematou a carreira?) coma nas indirectas (Ex: Pregúntalle cándo vén) para preguntar en qué momento ou en qué época acontece ou se sitúa algunha cousa. OBS: Se cando introduce unha interrogativa indirecta debe levar acento gráfico (Ex: Dime cándo queres ir). 

   2. Forma usada ocasionalmente con valor exclamativo para indicar en qué tempo ou en qué momento (

      Ex: Cando comezaran as vacacións!). 

   3. Forma que se refire nunha oración a un antecedente de tempo (

      Ex: Aqueles anos cando iamos de esmorga). O máis xeral é o emprego de en que ou n(o,a,os,as) que (Ex: Aqueles anos en/nos que iamos de esmorga). 

2. conx

   Palabra que introduce unha oración que expresa o momento en que se realiza a acción do verbo da oración principal (

   Ex: Estudiaba primeiro de empresariais cando eu comezaba o proxecto). 

3. conx

   Palabra que introduce unha condición cunha referencia temporal (

   Ex: Heiche contar o que sei cando eu o decida).

Frases feitas

• Cando as pitas cacarexan, algo senten. Existir un motivo para as murmuracións ou as sospeitas.

• Cando estean os paxaros preñados/mexan as galiñas. Nunca.

• Cando as ras críen pelo. Expresión que indica que algunha cousa é imposible de realizar.

• Cando con nordeste chove, hasta as pedras move. Cando chove e o vento é de nordés o mar está bravo.

• Cando máis. Ao sumo.

• Cando menos. Polo menos.

• Cando non. En caso contrario, doutra sorte.

• Cando o demo chisca o ollo. Rapidamente, nun momentiño.

• Cando sexas pai comerás ovos. Todo acaba chegando.

• Cando vén unha non vén soa/veñen todas. As desgracias veñen todas xuntas.

• De cando en vez/de vez en cando/de cando en cando. Ás veces, algunha que outra vez. Ex: Ao cine só vou de cando en vez.

• Sempre e cando. Coa condición de que se cumpra o que se expresa. Ex: Participarás na carreira, sempre e cando consigas a mellor marca.