cento

1. cuant

   Dez veces dez. OBS: Utilízase a forma cento cando vai seguida dun cuantificador que se suma (

   Ex: cento un, cento dous, cento tres, cento catro, etc, pero cen mil, cen millóns, cen billóns, etc) e cen cando vai seguida dun substantivo, aínda que leve un adxectivo anteposto (Ex: cen libros, cen interesantes libros). 

2. adx

   Que nunha serie ocupa o lugar que se indica. OBS: Nesta acepción adquire valor de ordinal e cando non vai seguido de ningunha palabra utilízase a forma apocopada cen.

   Ex: Chegou no posto cento catro á meta. Chegou no posto cen. 

3. s m

   Conxunto de cen unidades dunha mesma especie.

   Ex: Comprou un cento de cebolas na praza. 

4. s m

   Gran cantidade de cousas ou persoas que se contan por centenas.

   Ex: Agasallou os nenos con centos de balóns. Centos de persoas asistiron ó concerto.

Frases feitas

• Cen por cento. Por completo. Ex: O terremoto arrasou o cen por cento da poboación. A atleta declarou que aínda non acadou o cen por cento do seu rendemento.

• Por cento. Expresión que indica unha porcentaxe. OBS: Vai precedida dun número ou, ás veces, de tanto (Ex: Xa recolleron o sesenta por cento da colleita. Sobre o prezo inicial o vendedor descóntache un tanto por cento). Normalmente, escríbese acompañada do signo