levar

1. v t

   Trasladar algo ou alguén dun lugar a outro. Na tradición oral recóllense ditos como: “Alá me leve Deus, a morar onde un ovo valla dous. Eu duro, e vós duro, quén levará o maduro? Lévame ao lombo, verás cánto peso. Nunca queiras levar máis do que has pagar. O que has levar hoxe non o deixes para mañá. Ti que me levas, eu que me axudo, e imos os dous ata o cabo do mundo. Uns levan as noces, e outros as voces”.

   Ex: O tractor leva unha carga de millo. Os pais levaron os nenos á escola no coche. 

2. v t

   Acompañar a alguén a un lugar.

   Ex: Levouna ata a rúa que buscaba. 

3. v t

   Conducir unha vía de comunicación a algún lugar.

   Ex: Este carreiro lévate á igrexa. OBS: Nalgunhas construcións omítese o complemento e adquire valor absoluto. Ex: A onde levarán estas escaleiras? 

4. v t

   Manexar un vehículo.

   Ex: Leva un autobús de transporte urbano. 

   Sinónimos: conducir. Confrontacións: guiar.
5. v t

   Ter algo ou alguén sobre si, ou usar algo habitualmente.

   Ex: Leva lentes para ver de lonxe. O coche levaba un adhesivo co número oito. 

6. v t

   Estar en certa situación ou estado.

   Ex: Leváballe moita vantaxe ós outros corredores. Leva tempo buscando piso. 

7. v t

   Facerse cargo dunha responsabilidade ou función.

   Ex: Leva o negocio dos pais. Levaba a sección de vendas nuns grandes almacéns. 

8. v t

   Cortar algo con violencia.

   Ex: A serra levoulle un dedo da man. 

9. v t

   Destruír ou danar algo.

   Ex: A xeada levoulle o repolo e as coles. 

10. v t

    Custar algo certa cantidade.

    Ex: Bótame contas a ver cánto me pode levar pintar a casa. 

11. v t

    Precisar algo determinado tempo ou traballo.

    Ex: Non sabes o tempo que nos levou rematar a casa. 

12. v t

    Sufrir o que se expresa.

    Ex: Levou unha boa malleira por meterse onde non debía. Levei un susto cando sentín o teléfono. 

13. v t

    Tolerar ou aturar algo ou a alguén.

    Ex: Leva moi ben a súa xubilación. OBS: Adoita empregarse seguido dos adverbios ben/mal ou outros semellantes. 

14. v t

    Persuadir de algo a alguén.

    Ex: É un rapaz fácil de levar. Non te deixes levar por ela, porque vas rematar arrepentíndote. 

    Confrontacións: convencer.
15. v t

    Saber tratar a unha persoa ou situación.

    Ex: É un vello moi difícil de levar. Levou as negociacións con moita diplomacia. 

16. v t

    Ser a causa de que algo suceda. OBS: Úsase coa preposición a.

    Ex: Levou a empresa á ruína. 

17. v t

    Ter unha idea, intención ou facultade.

    Ex: Lévalle idea facer algún día unha viaxe. 

18. v t

    Acadar ou lograr algo.

    Ex: Levou o primeiro premio no concurso de redacción. 

    Sinónimos: conseguir.
19. v t

    Quitar algo a alguén.

    Ex: Alguén lle levou a bicicleta nun momento de descoido. 

    Sinónimos: roubar.
20. v t

    Superar certa idade ou cantidade.

    Ex: Cantos anos lle levas a teu irmán? Lévolle dez centímetros de estatura. 

21. v t

    Poder ter algo certa cantidade no seu interior.

    Ex: A xerra pode levar dous litros de viño. 

22. v t

    Posuír algo na súa composición.

    Ex: Que leva este prebe? 

23. v t [MAT]

    Engadir unidades dunha orde á inmediatamente superior nunha operación matemática.

24. v i

    Prender as plantas que foron transplantadas ou enxertadas.

25. v pron

    Ter unha ou máis persoas unha boa ou mala relación. OBS: Adoita empregarse seguido dos adverbios ben/mal ou outros semellantes.

    Ex: Non se levan co seu sobriño. Levámonos moi ben todos os veciños. 

26. v pron

    Estar algo de moda.

    Ex: Lévanse moito os pantalóns de campá. 

27. levar [MAR]

    Recoller un barco as áncoras para comezar a navegar.

    Ex: O navío levou áncoras con destino a América.

Frases feitas

• Andar levado/levada do demo. Estar alguén enfadado ou de mal humor.

• Andar levado/levada do demo. Estar alguén enfadado ou de mal humor.

• Levar + part. Indica que a acción expresada polo participio foi rematada en repetidas ocasións ou que se realizou de xeito continuado durante un período de tempo, á vez que se fai unha valoración da cantidade acadada durante a acción. Ex: Xa leva roto tres pratos no que vai de mañá.

• Levar + part. Indica que a acción expresada polo participio foi rematada en repetidas ocasións ou que se realizou de xeito continuado durante un período de tempo, á vez que se fai unha valoración da cantidade acadada durante a acción. Ex: Xa leva roto tres pratos no que vai de mañá.

• Levar + xer. Indica que a acción expresada polo xerundio ocorre desde hai certo tempo. Ex: Levan saíndo máis de ano e medio.

• Levar + xer. Indica que a acción expresada polo xerundio ocorre desde hai certo tempo. Ex: Levan saíndo máis de ano e medio.

• Levar a auga ao seu muíño. Actuar alguén en proveito propio. Ex: Sempre que pode tenta levar a auga ao seu muíño, sen ter en conta á outra xente.

• Levar a auga ao seu muíño. Actuar alguén en proveito propio. Ex: Sempre que pode tenta levar a auga ao seu muíño, sen ter en conta á outra xente.

• Levar a contra/contraria. Contradicir a alguén.

• Levar a contra/contraria. Contradicir a alguén.

• Levar adiante. Continuar con algo xa comezado ou proxectado.

• Levar adiante. Continuar con algo xa comezado ou proxectado.

• Levar arreo. Facer algo de seguido. Ex: Levaron arreo un bo eito de patacas.

• Levar arreo. Facer algo de seguido. Ex: Levaron arreo un bo eito de patacas.

• Levar as de perder. Estar en desvantaxe en algo. Ex: Como pelexedes ti levarás as de perder.

• Levar as de perder. Estar en desvantaxe en algo. Ex: Como pelexedes ti levarás as de perder.

• Levar e traer. Andar en contos e murmuracións.

• Levar e traer. Andar en contos e murmuracións.

• Levar en andas. Adular a alguén.

• Levar en andas. Adular a alguén.

• Léveme o demo! Expresión que se emprega para afirmar algo con rotundidade. Ex: Léveme o demo se non hei ir á festa!

• Léveme o demo! Expresión que se emprega para afirmar algo con rotundidade. Ex: Léveme o demo se non hei ir á festa!

• Non levar dous dacabalo. Non aturar bromas nin imposicións. Ex: Anda con coidado co que fas que é das que non levan dous dacabalo.

• Non levar dous dacabalo. Non aturar bromas nin imposicións. Ex: Anda con coidado co que fas que é das que non levan dous dacabalo.

• Vas levar! Expresión coa que se ameaza a alguén cunha azouta ou unha malleira.

• Vas levar! Expresión coa que se ameaza a alguén cunha azouta ou unha malleira.

• Levar Deus a alguén. Morrer.

• Levar Deus a alguén. Morrer.

• Levar por ben. Conseguir algo de bos modos ou sen problemas. Ex: A ver se podes levar por ben o reparto da herdanza.

• Levar por ben. Conseguir algo de bos modos ou sen problemas. Ex: A ver se podes levar por ben o reparto da herdanza.

• Levar un chasco. Levar alguén unha decepción.

• Levar un chasco. Levar alguén unha decepción.

• Levarse coma o can e o gato/a cabra e o coitelo. Non ter boa relación dúas ou máis persoas.

• Levarse coma o can e o gato/a cabra e o coitelo. Non ter boa relación dúas ou máis persoas.

• Non levar algo o corpo. Non aturar ou producir noxo algunha cousa.

• Non levar algo o corpo. Non aturar ou producir noxo algunha cousa.

• Non levar algo o estómago. Non sentar ben algunha cousa.

• Non levar algo o estómago. Non sentar ben algunha cousa.