mesmo -ma

1. ident

   1. Indica identidade ou igualdade.

      Ex: A túa irmá vai sempre aos mesmos sitios. Cando saio pasear sempre vexo as mesmas caras. O seu repertorio é moi reducido, sempre conta o mesmo conto. OBS: Tamén se emprega a expresión o mesmo co signigicado de ‘a(s) mesma(s) cousa(s)’, ‘igual’. Ex: Pedín o mesmo ca ti. É o mesmo que vaias coma que non. 

   2. Reforza a identificación e indica con exactitude o ser ou o obxecto do que se fala.

      Ex: Foi o médico mesmo/o mesmo médico quen mo contou. Fun eu mesmo falar coa profesora. Presentouse alí o mesmo Rei Artur/Rei Artur mesmo.

   3. Expresa unha gran semellanza entre o atributo e o suxeito acompañando a certos substantivos atributos de ser, estar ou parecer.

      Ex: Aquel rapaz era o mesmo demo.

   4. Expresa a case identidade da situación reflectida no texto coa que evoca o substantivo atributo, cun circunstante de verbos como estar ou vivir.

      Ex: Alí sentada ao lado da lareira estaba na mesma gloria.

2. adv

   Fai fincapé en que aquilo que se expresa é exactamente como se di. 

   Ex: Só repetín as súas mesmas palabras. A concentración deberá saír do mesmo centro da cidade.

3. adv

   Indica, con énfase, que algo ou algúen se inclúe nun grupo ou serie.

   Ex: Todos debemos ir, mesmo os que están de baixa. 

   Sinónimos: incluso.
4. adv

   Indica, acompañado de xerundio, das conxuncións que ou se, ou da locución aínda que, que unha cousa ocorre a pesar doutra.

   Ex: Vou ir igual, mesmo que chova.

Frases feitas

• Coa mesma. Indica que unha cousa sucede inmediatamente a outra no tempo. Ex: Levantouse do chan e coa mesma comezou a correr.

• Na(s) mesma(s). Indica que todo está, é ou continúa de igual maneira. OBS: Emprégase con verbos como seguir ou continuar. Ex: El segue nas mesmas, non hai quen o faga cambiar de opinión.