Abella Chouciño, Xermán Roxelio

Escritor.

Estudou Teoloxía e Filosofía e Ciencias da Educación. Dende 1982 é profesor de Filosofía no Instituto de Ponteceso. A súa produción literaria, que asina co nome de Xelucho, está dirixida maioritariamente a un público infantil e xuvenil e comprende Gundar e o cabalo de oito patas (1991), A cidade maldita (1991), Perdido, relato recollido no volume Aí está o conto (1993) e As aventuras de Pelusa (1998). A estes hai que engadir o libro de relatos A ermida do diaño (1998), dirixido a un público máis adulto e Fuxiron por mar (2017). 

Cronoloxía