Acarigua-Araure

Cidade do estado de Portuguesa, Venezuela, ao sur de Barquisimeto (130.627 h [1990]). Nace da fusión das antigas cidades de Acarigua e Araure. A súa economía baséase nas actividades industriais derivadas da súa produción agrícola, fundamentalmente caña de azucre e algodón, e gandeiras, gando vacún. É un importante centro comercial e de comunicacións dese estado venezolano.