acrilamida

Amida do ácido acrílico. É un sólido cristalino incoloro, estable só entre 10 e 25°C. A obtención industrial máis corrente é por hidratación do acrilonitrilo. A acrilamida e os seus derivados aplícanse en síntese orgánica (colorantes) e, sobre todo, para obter polímeros e copolímeros. As acrilamidas substituídas empréganse como xelificantes de terras e lamas, na floculación de mineral e de materias en suspensión nas augas e demais.