adrenocorticotrópica, hormona

Unha das hormonas segregadas polo lóbulo anterior da hipófise. É un polipéptido constituído por unha cadea única de 39 aminoácidos. Segrégase como resposta ao estrés. Provoca a estimulación do córtex suprarrenal. Ten, ademais, unha acción mobilizadora dos ácidos graxos e estimulante da expansión dos melanóforos. Chámase tamén corticotropina.