Aerosmith

Grupo norteamericano de rock duro fundado en 1970 e integrado por Steve Tyler (voz), Joe Perry (guitarra), Tom Hamilton (baixo), Brad Whitford (guitarra) e Joey Kramer (batería). A súa aparición na escena musical actuou como revulsivo fronte ao power flower imperante na época. O seu estilo e a lenda que os asociou ao sexo e ás drogas converteunos nunha das bandas máis versionadas do panorama do rock duro. Destacan os discos: Get your wings (1974), Live Bootleg (1978), Permanent vacation (1987) e Nine Lives (1997).