agostinismo

Conxunto de doutrinas de Aurelio Agostiño que se encontran presentes, aínda que diversamente matizadas, en moitos pensadores do Medievo e nalgúns da Idade Moderna. Son elementos definitorios do agostinismo os seguintes: a unidade do saber filosófico-ecolóxico; a primacía da vontade sobre a intelixencia, tanto en Deus como no home; a necesaria iluminación divina do entendemento humano, condición necesaria para acadar verdades absolutas de calquera orde; o pesimismo sobre as posibilidades morais da natureza humana; e a preeminencia da gracia, entendida como espiritualidade mística.