aixada

Ferramenta agrícola formada por unha lámina de ferro que vai unida a un mango de madeira a través dun burato, e que se emprega para cavar e remexer a terra. A zona metálica ten a parte inferior cortante para penetrar mellor na terra e para tronzar pequenas raíces. Dependendo da área pode adoptar diferentes formas, a cadrada ten aplicación moi recente e resulta menos coñecida. A súa presencia, con diferentes variantes, coñécese en Galicia dende a época castrexa.

Pezas longas de pedra puída e corte simple caracterizadas por ser máis longas ca grosas. A súa forma ou sección polo xeral é rectangular, aínda que en ocasións adoitan formas triangulares. A aparición de pezas deste tipo en numerosas mámoas sitúa a súa probable orixe no Megalitismo.