aixola

Legón ou sacho de pequeno tamaño que se emprega para cortar toxos e xestas.

Pezas de pedra puída que teñen unha zona activa asimétrica e, en ocasións, as súas faces mostran un perfil diferente, sendo unha delas máis aplanada ca a outra. Estas pezas son de pouco volume e máis largas ca grosas. A aparición deste tipo de pezas en numerosas mámoas, sitúaas de cheo no Megalitismo.

Ferramenta que consta dunha coitela recta ou curva unida perpendicularmente a un mango, que utilizan carpinteiros, toneleiros, etc, para labrar e desbastar a madeira. Úsase de modo perpendicular á do corte. É unha das ferramentas máis utilizadas na construción de embarcacións de madeira. Aínda que con diferentes variantes, a súa presenza recoñécese xa nalgúns castros galegos.

Denomínanse así os útiles de corte dobre, cunha sección lonxitudinal aplanada e lixeiramente asimétrica, que presentan unha perforación aproximadamente no seu centro, practicada de face a face.