alcalde de Zalamea, El

Peza dramática de Calderón de la Barca, publicada no ano 1651, aínda que escrita seguramente máis de dous anos antes, que ten como precedente directo a obra menor do mesmo título e tema, de Lope de Vega, inspirada nun feito real. Partindo do tema da honra, opón os dereitos da persoa ás convencións establecidas pola lei. O capitán Álvaro de Ataide rapta e forza a filla do rico plebeo Pedro Crespo, que, nomeado alcalde, axustiza ao capitán, que se negaba a casar con ela.