Alexandría

Cidade do Piemonte, Italia, capital da provincia de Alexandría, á beira do Tanaro (90.927 h [1997]). Centro comercial, mercado agrícola (cereais, vide) e núcleo industrial (mobles, maquinaria, vidro, fertilizantes, destilación de alcohois). Ten nós de comunicacións (ferrocarril e estrada) con liñas en Xénova, Milán e Turín. Ten notables monumentos dos s XVIII-XIX. Pinacoteca. Punto estratéxico do N de Italia. Construída en 1164-1167, adoptou o nome actual en honor do Papa Alexandre III, xefe da Liga Lombarda. Foi asediada e destruída polo Emperador Federico Barbarrubia no 1174. Baixo dominación francesa (1796-1814), foi capital do departamento de Marengo.