Alpes Australianos

Nome dado á parte meridional da Great Dividing Range, área que comprende o L do estado de Victoria e o SL do de Nova Gales do Sur, nunha lonxitude duns 320 km. É unha cadea herciniana, que discorre en dirección NL-SO. Inclúe os cumios da Great Dividing Range (Kosciusko, de 2.230 m, e Bogong, de 1.986 m). Os principais ríos do país nacen nesta serra (Murray, Murrumbidgee e Snowy).