alta

1. Punta do litoral da parroquia de Barrañán, no concello de Arteixo, situada entre o porto das Bendicións dos Cabalos, ao L, e a punta Redonda polo O.

2. s f

   Permiso dado ao convalecente para volver á súa actividade cotiá.

   Ex: Entregoulle a alta para que puidese regresar á fábrica.

3. s f

   Manifestación do ingreso nun corpo ou nunha asociación para permitir o retorno ao traballo despois dunha enfermidade, etc.

   Ex: O médico non me quixo dar a alta pois di que aínda non estou ben.

4. s f [BÉL] Antónimos: baixa, baixa.

   1. No exército, entrada en servizo activo dun militar que se destina a un corpo determinado ou que torna despois de estar de baixa.

      Antónimos: baixa, baixa.

   2. Documento que acredita a entrada.

5. s f [DER]

   Declaración por medio da cal unha persoa, unha veiga, unha industria, un vehículo, etc se inclúen nun padrón, nun censo, nun rexistro ou nunha lista, a efectos tributarios, estatísticos, de exercicio de actividades, de recuperación de traballo despois dunha enfermidade ou con outros fins diversos.

6. s f [INFORM]

   Proceso polo que unha persoa dispón de acceso a servicios de telecomunicacións.

7. s f [INFORM]

   Envío de información a un buscador para que este inclúa unha páxina web na súa base de datos.

Frases feitas

• Dar a alta. Dar o médico a un por curado. Ex: Déronlle a alta hoxe no Meixoeiro e xa vai para a casa.

• Darse de alta. Inscribirse como socio nalgunha entidade. Ex: Deuse de alta no club do libro.