altruísmo

Miramento, afán ou compracencia que se fai polo ben dos demais, mesmo a costa do propio.

Doutrina que ten como fin da conduta moral o interese polos demais en si mesmo. Oponse a hedonismo, egoísmo e utilitarismo na medida que manteñen como móbil da conduta o propio interese, non sendo o interese polos outros máis que unha consecuencia derivada da procura polo ben propio.

Acto que beneficia a outro organismo en prexuízo de quen o realiza, no que están definidos o custo e o beneficio en termos de éxito reprodutivo.

Comportamento altruísta motivado por causas patolóxicas. Así, por exemplo, os megalomaníacos reparten riquezas imaxinarias e os paranoicos intentan crear sistemas políticos ‘para salvar a humanidade.