amigo -ga

(

adx
Unido pola amizade con alguén, que sente amizade cara a algunha persoa.

Ex: Son vellos amigos posto que se coñecen dende a infancia.
s
Persoa que ten amizade con outra coa que se sente unido por un trato de afecto e confianza.

Ex: Necesitaba desafogar cun amigo todas as penas que sentía.
Confrontacións: camarada, colega.
adx
1. Que ten afección por algo ou por alguén.
  
  Ex: Coñezo a un señor da aldea que é un verdadeiro amigo dos paxaros.
2. Partidario de alguén ou dalgunha cousa.
  
  Ex: Os amigos do goberno solucionáronlle a papeleta ó presidente.
3. Aplícase á persoa que favorece a alguén ou a algunha cousa.
  
  Ex: Os amigos das artes doaron cinco cadros ó museo central.
adx
Que mostra afección, sen hostilidade, favorable, propicio.

Ex: Unha palabra amiga mellorou o seu estado de saúde.
s m
Persoa con quen alguén fai vida matrimonial sen estaren legalmente casados.

Ex: Aquel home é o amigo, disque vai casar con ela.
Sinónimos: amante.
s m [LIT]
Nas cantigas de amigo da lírica galego-portuguesa medieval, termo para designar ‘o amado, o namorado’.
números amigos [MAT]
Dous números, dos que cada un é a suma de todas as partes alícuotas do outro. Son exemplo disto os números 220 e 284.

Palabras veciñas