amisión

Fórmula denominada amissio animae que equivalía á morte nun suplicio, e a amissio civitatis ao exilio.

Na Idade Media,  aplicábase aos feudatarios e enfitéuticos que faltaban ás súas obrigacións co señor ou infrinxían pactos ou convenios que, como sanción, impoñía o abandono forzoso da cousa feudal ou enfitéutica. Esta era gañada neste caso, polo señor. Utilizábase frecuentemente a palabra comiso como equivalente de amisión.