Ammenemes III

Sexto Faraón da XII dinastía (1842-1797 a C). Fillo de Sesostris III, concentrouse na política interior e acadou un dos períodos de apoxeo da historia faraónica. Testemuños da riqueza do seu reinado son a explotación mineira (Uadi Hammamat, Sinaí e outros lugares), a agricultura (levou a cabo o proxecto de converter Al-Fayyum no celeiro de Exipto) e as construcións (existen restos dos seus monumentos por todo Exipto). No exterior, controlou totalmente a Baixa Nubia. Construíu as pirámides de Dahšūr e de Hawara.