amo

1. s m

   O que ten o dominio dalgunha cousa.

   Ex: O señor do sombreiro negro é o amo de todo o val.

2. s m

   O que ten a alguén baixo o seu dominio.

   Ex: Antigamente os escravos obedecían todas as ordes do amo.

3. s m

   Xefe da casa, o señor con respecto aos seus criados ou figura semellante.

   Ex: O amo deu as instrucións precisas para que se servise a mesa. Sen dúbida co seu xogo amosou ser o amo do baloncesto.

4. s m

   Home que dirixe unha posesión rústica pola que paga unha renda ao propietario.

5. s m [MAR]

   Termo empregado antigamente na industria pesqueira e co que os mariñeiros e traballadores definían o posuídor dos medios de produción necesarios para a realización da actividade pesqueira (aparellos e barco). Antigamente, aplicábase este termo aos armadores.

Refráns

• A presencia do amo arrecrece o traballo.
• Bo amo, mellor criado.
• Cal o dono, tal o can.
• Quen a moitos amos serve, poida dar que algún lle sobre.
• Quen ten a tixola polo rabo, ese é o amo.
• Segundo é a ama, así é a criada.
• ¡Facenda, teu amo te vexa!