Ancien Régime*

Designación da organización política, económica e social da monarquía francesa anterior á Revolución do 1789. Foi empregada nun primeiro lugar polos revolucionarios franceses para indicar o cambio radical que pretendían acometer; durante a Restauración os lexitimistas recuperaron este concepto. Posteriormente, designou situacións análogas en diversos países europeos anteriores aos réximes liberais. A historiografía galega actual incorporou este concepto baixo a denominación de Antigo Réxime.