aproveitamento

1. s m

   Acción e efecto de aproveitar ou aproveitarse.

   Ex: O apartado de medio ambiente trata sobre o aproveitamento dos recursos naturais e enerxéticos. Fixo un bo aproveitamento dos libros que lle prestei.

   Antónimos: desaproveitamento. Confrontacións: proveito, proveito.
2. aproveitamento de augas [DER]

   Dereito a usar ou consumir unha parte ou a totalidade dunhas augas públicas ou privadas que corren ou están estancadas. Especialmente, o dereito a apropiarse dunhas augas públicas para uso privado.

3. aproveitamento de bosques e pastos [DER]

   Dereito a gozar dos produtos dun bosque ou dos pastos dun prado propiedade doutra persoa, ben por medio dun contrato ou ben pola condición de veciño dunha determinada vila.

4. aproveitamento medio [DER]

   Cesión obrigatoria e gratuíta que deben realizar os propietarios de terreos urbanizables, calculada en relación ao aproveitamento xeral do sector onde se atopa o terreo.

5. aproveitamentos comunais [DER]

   Beneficio que lles permite aos membros dunha determinada comunidade local aproveitarse dos bosques, prados ou terras de cultivo que son patrimonio da comunidade, cualificadas como bens comunais.

Refráns

• A quen Deus lla dea, san Pedro lla bendiga.
• A quen lle sobre pan, que manteña ben o can.
• A quen non lle sobre o pan, que non críe can.
• A quen queiras mal, cómelle o pan; e a quen ben, tamén.
• Anque sexa de palloeiro, procura encher o palleiro.
• Axúdate, que eu te axudarei.
• Cando o ben pasa, méteo, se podes, na túa casa.
• Cun caldeiro vello mércase outro novo.
• Da árbore derrubada todos levan algo.
• De ruín madeira, unha boa racha.
• Do coiro alleo, boas piallas se fan.
• Lava os teus pano s na semana de Ramos, que na de Paixón ou poderás ou non.
• O bo día, méteo na casa.
• O que ten burro e vai a pe, ben burro é.
• Parvo é quen entra na horta e non come froita.
• Pásache o sol pola porta: quéntate, miña comadre.
• Quen atope tallada de carne, que coma e que cale.
• Ti enche o palleiro de palla ou palloeiro.
• Uns erguen a caza e outros mátana e pápana.
• Uns erguen a caza e outros mátana.
• Uns sementan e outros segan.
• Uns seméntano, outros ségano e aprovéitano.
• Uns tenden as redes e outros collen os peixes.