armado -da

1. p reg

   de armar.

2. adx

   Provisto de armas.

   Ex: O garda de seguridade deberá ir armado cunha arma de fogo.

   Antónimos: inerme.
3. adx

   Que acontece por medio das armas.

   Ex: Comezou unha sublevación armada. Repudiaron a loita armada.

4. adx

   Que serve para aquilo que se expresa ou que ten capacidade para emprender algo.

   Ex: Aínda que veña máis xente a cear temos a casa ben armada.

5. [HERÁLD]
   1. adx

      Dise do animal que ten as unllas de esmalte distintas ás do corpo.

   2. adx

      Aplícase á seta ou lanza cun ferro dun esmalte diferente ao do pao.

   3. adx

      Refírese ao brazo cuberto cun brazal.

   4. adx

      Dise dun home vestido cunha armadura.

   5. adx

      Aplícase a unha perna cuberta cunha greba.

   6. armado de todas as pezas

      Dise dun cabaleiro revestido coa armadura completa con casco e coa viseira alzada ou baixada.

6. adx [TECNOL]

   Aplícase a un obxecto ou materia ao que se lle aplica ferro ou outro metal para reforzalo ou simplemente adornalo.

   Ex: Porta armada.

7. s m [ETN]

   Cada un dos homes vestidos de antigos soldados romanos que precedían ás procesións de Semana Santa.

8. cabalo armado [BÉL]

   Cabalo de guerra montado á brida, con defensas máis eficaces ca as que levaba o cabalo revestido que se montaba á xineta.

9. forzas armadas [BÉL]

   Conxunto de exércitos.

Frases feitas

• A man armada. Empregando as armas.